Pit Viper, biltegi nuklearren garbitzailea
2001/09/01 Elhuyar Zientzia Iturria: Elhuyar aldizkaria
AEBetako Pacific Northwest laborategi nazionaleko zientzialariek hondakin erradioaktiboak gordetzeko erabiltzen diren biltegiak garbitzeko robota asmatu dute. Beso hidrauliko manipulatzailea du eta 80 kilo jasotzeko gai da. Besoari hainbat erreminta gehi dakizkioke eta, horregatik, garbiketa-lan guztiak egiteko gai da.
60 metrora dagoen trailerrean dagoen kontsolaren bidez kontrolatzen da, eta langileek ez dute zertan biltegira hurbildu, robotaren mugimenduak telebista-pantailetan ikus ditzaketelako. Gaur egun, garbitzaileak arduratzen dira lan horretaz, eta erradiazio nuklearraz poluitzeko arrisku handia dute.
eu es fr en ca gl
Gai honi buruzko eduki gehiago
Elhuyarrek garatutako teknologia
