Nimba apoaren ugalketa ezaguna da, gainerako apo gehienena ez bezala, bibiparoa delako. Izan ere, espezie horretako emeek 9 hilabetez elikatzen dute fetua umetokian. Hainbat ikerketa egin da apo horren inguruan, eta orain, 40 urteko lan guztia laburbildu du Alemaniako ikertzaile-talde batek. Zoosystematic and Evolution aldizkarian argitaratu da berriki ikerketa. Egileek emeen eta arren ugalketa-sistemak eta fetuaren garapen berezia argitzeaz gain, inguruneak ugalketa-motan duen eragina azaltzen dute. Dirudienez, haien ugalketa berezia ingurune aldakorrak eta ur faltak eragindako banaketa ebolutiboari zor baitzaio.
Elhuyar Zientzia
