Muskuluen dismorfia

Gorputza lantzea ohikoa da gaurko gizartean, eta horretarako erabiltzen diren metodoen artean gimnasioetako entrenamendua da arrakastatsuenetako bat. Jarduera horrek muskulatura handitzen du; hala ere, gehiegikeriekin zerikusia duen efektu bat ere oso ohikoa da. Efektu hori muskuluen dismorfia da, eta norberaren muskuluak handiak izanda txikiak ikustean datza. Ikerketa baten emaitzak ikusita, gizonen artean arriskua handia dela nabarmendu dute zientzialariek; horrekin batera, esteroide gehiegi kontsumitzearen arriskuaz ere hitz egin dute ikertzaileek.