Mundu ikusgarriak ESOtik

360º-ko panoramika Paranal-en. Paranaleko behatokitik ikusten den zeruaren 360º-ko panoramika, goizeko lehen orduan ateratako 37 argazkirekin osatua. Behatokia bera eta Esne Bidea dira protagonistak; eta irudiaren eskuinaldean, Esne Bideak osatzen duen arkuaren azpian, gure bi galaxia bizilagun: Magallanesen Hodei Handia eta Hodei Txikia. Arg.: ESO/H.H. Heyer.

Mundu ikusgarri honetatik begira, beste mundu ikusgarri batzuk ikus daitezke. Horretan aritzen dira ESOn (European Southern Observatory), Atacama desertuan. Bertan daude munduko teleskopio handienetako eta aurreratuenetako batzuk; VLT-a (Very Large Telescope), esaterako, edo eraikitzen ari diren ALMA, 50 teleskopioz osatutako sarea.

ESOk hamaika irudi ikusgarri eman ditu azken urteotan, eta 100 onenak bilduma batean bildu dituzte. Hemen, bilduma horretatik aukeratutako batzuk.