Magnesio-baterien iraultza?
2003/06/01 Elhuyar Zientzia Iturria: Elhuyar aldizkaria
Magnesio-bateriak orain artekoak baino arinagoak, garbiagoak eta, batez ere, merkeagoak izango omen dira. 80ko hamarkadatik ibili dira helburu horren bila eta, lehenengo emaitza aurkeztu dute, azkenean.
![](images/A188003.jpg)
Anodoa edo elektrodo positiboa magnesio-aleazio batez egina da (AZ-31), % 3 aluminioa eta % 1 zinka dituena; katodoa edo elektrodo negatiboa, berriz, molibdeno sulfurozkoa (Mo6S8) da, magnesio-ioiak har eta aska ditzakeena; eta elektrolitoa polimerozko gel batek eta magnesio-ioiei heltzen dien gai kimiko batek osatzen dute.
Israelgo ikertzaile batzuek aurkeztu dute magnesio-bateria hori. 0,9-1,2 volt sortzen ditu eta berun-azido eta nikel-kadmio baterien lekua hartuko duela uste dute, magnesioa, ingurumenarentzat segurua izateaz gain, oso ugaria baita lurrazalean eta, ondorioz, merkea.
![](https://elia.eus/static/elhuyar/img/elia_RGB.png)
Gai honi buruzko eduki gehiago
Elhuyarrek garatutako teknologia