Luizi erraldoia itsaspean

Orain dela 60.000 urte itsaspean luizi erraldoi bat gertatu zela ondorioztatu du Bristol Unibertsitateko talde batek. Luiziaren ondorioz, Lurrean inoiz neurtu den harea- eta lokatz-fluxu handiena sortu zen: mugitu zen masa Lurreko ibai guztiak batuta urtebetean itsasoratzen den masaren halako hamar izan zen. Datu gisa, esan dute fluxua 150 kilometro zabal izatera iritsi zela, eta, gainera, masak 1.500 kilometro inguru egin zituela jalkitzen hasi arte.