Nazioarteko Espazio Estazioak larrialdietarako ibilgailua ere izango du. Estazioko lehen biztanleak bi errusiar (Juri Gidzenko eta Sergei Krikalev) eta estatubatuar bat (William Shepherd-ek) izango dira: 1999ko abenduan iritsiko dira eta 5 hilabetez egongo dira, hurrengoak iritsi arte. Lehen urteetan Soiuz espazio-ontzi errusiar bat edukiko dute bertan etengabe larrialdietarako.
Ondoren, EEBBetan ISSrako bereziki prestatzen ari diren X-38 ibilgailua erabiliko dute espazio-estazioan zerbait gertatu eta bertan daudenak alde egin beharrean aurkituko balira. Tripulazioarentzako larrialdietarako ibilgailu hau energia beharrik gabe jausiko da orbitatik eta, ondoren, gida daitekeen parapente-moduko jausgailu bat erabiliko du
lurreratzeko.
Imaz Amiano, Eneko
Elhuyar Zientziaren Komunikazioa
Mujika, Alfontso
Elhuyar Zientzia eta Teknologia aldizkarian argitaratutako artikulu batzuen egilea izateaz gainera, ETBko Teknopolis programako erredaktorea eta zuzendaria ere izana da.
Dena den, lanik gehienak hizkuntzaren alorrean egin ditu, eta horretan ari da gehienbat: itzulpen teknikoak egin, testuak zuzendu, irakasleentzako trebakuntza-ikastaroak eman, lexikografia- eta terminologia-lanak egin eta entziklopediagintzan ere lan egin du.
Euskaltzain urgazlea da, eta Euskaltzaindiko Exonomastika batzordeko idazkaria. Terminologia batzordeko kidea da.
