Konifero-espezie berria aurkitu dute Vietnam-en

D. HARDER UCSC

Txinako mugatik hurbil atzeman dute eta Xanthocyparis vietnamensis (urre-koloreko altzifre vietnamdarra) izena eman diote. Ikertzaile-talde honek urte batzuk badaramatza Vietnam-go landaredia ikertzen, eta 100 landare-espezie berritik gora aurkitu dituzte dagoeneko. Urre-koloreko altzifrea guztietan garrantzitsuena da, zuhaitz handi bat delako eta inguruan beste espezie ezezagun asko egon daitezkeelako. Espezie berriaren hurbileneko ahaidea Estatu Batuetako mendebaldeko kostaldeko Nootka altzifrea da.