Izokinetik jaiotako amuarraina
2004/10/01 Elhuyar Zientzia Iturria: Elhuyar aldizkaria
Japoniarrek asmatutako teknika baten bidez, posible da izokinetatik amuarrainak jaiotzea. Haien esanean, teknika horrek iraultza ekar dezake piszikulturara, eta desagertutako espezieak berpizteko ere balio dezake.
![](images/A202005.jpg)
Teknikan jatorrizko zelula germinalak erabili dituzte; zelula horiek obulu ala espermatozoide bilaka daitezke. Ortzadar amuarrainaren (Oncorhynchus mykiss) jatorrizko zelula germinalak hartu zituzten ikertzaileek, eta genero bereko izokin ar gazteei injektatu zizkieten (O. masou) . Gero, izokinei heltzen utzi eta haien espermaz amuarrain-obuluak ernaldu zituzten.
Jaiotako arrainen % 0,4 amuarrain osasuntsuak ziren, eta horrek frogatzen du injektatutako zelulak amuarrain-espermatozoide bilakatu zirela. Gainerako arrain txikiak, aldiz, gazterik hil ziren, izokin-espermatozoideak eta amuarrain-obuluak elkartzetik sortuak baitziren; hau da, hibridoak ziren.
Esperimentua arrakasta handitzat hartu dute, are gehiago kontuan izanda bi espezie horiek duela 8 milioi urte banandu zirela genealogikoki.
![](https://elia.eus/static/elhuyar/img/elia_RGB.png)
Gai honi buruzko eduki gehiago
Elhuyarrek garatutako teknologia