Planeta-ehiztarien Eddington misioa
2002/02/01 Elhuyar Zientzia Iturria: Elhuyar aldizkaria
Europako planeta-ehiztariak Lurraren tamainako planetak ikusteko gai izango den lehenengo espazio-ontzia lortzeko ahaleginean murgilduak daude. Eddington izeneko misio hori, ESAk (Europako Espazio Agentziak) onartu duen arren, diru-laguntzen zain dago.
Espazio-ontzia Lurraren eta Eguzkiaren arteko orbita batean 4 urtez egongo litzateke inguruko 500.000 izarren argi-irudiak jasotzen, noizbait haien paretik pasatutako planetaren baten itzala ikusteko asmoz. Planeta horien orbitatze-abiadura neurtuz planetok beraien izarretatik zein distantziatara dauden jakin daiteke, eta horrela bizia izateko aukera duten ala ez kalkulatu.
![](https://elia.eus/static/elhuyar/img/elia_RGB.png)
eu es fr en ca gl
Gai honi buruzko eduki gehiago
Elhuyarrek garatutako teknologia