IBM ehun megahertzetik gora

Mikroprozesadoreen erlojuak duen abiaduran IBM etxea 100 MHz-eko muga laster gainditzekotan da. Berez 50 edo 66 MHz-etan 486 prozesadoreetan erabilitako printzipio teknologikoan oinarrituz, hiru aldiz abiadura handiagoko 486 prozesadorea atera nahi du.

Berri honek bi gauza frogatu nahi ditu: batetik mikroprozesadore klasikoak oraindik ere garatzeko eta RISC txipei lehia egiteko gauza direla, eta bestetik, Intel hornitzaile delarik ordenadoregileek beren makinen prestazioak hobetzeko ahalmen teknologikoa manten dezaketela.