Hubble espazio-teleskopioaren irudiei esker, Eraztuna nebulosaren inoizko behaketa xeheena egin dute. Hala, nebulosaren egitura konplexua deskribatu dute, eta 3Dko eredua egin dute kontuan hartuta haren egitura, eboluzioa, kondizio fisikoak eta mugimendua.
Eraztuna nebulosa erroskila desitxuratu baten antzekoa dela ikusi dute. Erdialdea ez du hutsik, ordea: dentsitate txikiagoko materialez beteta dago.
Zatirik argitsuena ikusten den koloretako eraztuna da: nebulosaren erdian hiltzen ari den izar batek askatzen duen gasa da. Nano zuri bilakatuko da izar hori, alegia, oso gorputz txiki, dentso eta beroa.
Eraztuna nebulosa 1779an aurkitu zuen Antoine Darquier de Pellepoix, eta, handik gutxira Charles Messierrek aztertu zuenean bere katalogo astronomikoaren 57. objektu gisa identifikatu zuen. Lurretik 2.000 argi-urtera dago, gutxi gorabehera.
Lakar Iraizoz, Oihane
Elhuyar Zientzia Elhuyar Fundazioko Zientziaren Komunikazioa sailean ari da lanean 2006ko urriaz geroztik. Elhuyar Zientzia eta Teknologia aldizkarian ia hilabetero artikuluak argitaratzen ditu, eta Basque Research webguneko arduraduna eta erredaktorea ere bada. Euskal Herrian egiten den ikerketaren berri ematen du Basque Researchek. Biologian lizentziatua da, Leioako EHUn egin zituen ikasketak, eta, Elhuyar Fundazioan baino lehen, Bertiz Jaurerria Parke Naturalean aritu zen lanean, bisitariei harrera egiten eta ingurunea zaintzen.
