HESSIk eguzki-erupzioak aztertuko ditu

NASA.

Urtebetetik gorako atzerapenez, otsailean NASAk HESSI satelitea espazioratu zuen. HESSIk eguzki-erupzioak bideoan grabatuko ditu lehen aldiz. Bideo-kamera berezi batzuei esker, X izpien koloretako bideoak egiteko gai izango da satelitea.

NASAk duela 18 hilabete espazioratu nahi zuen satelitea, eguzki-jardueraren 11 urteko zikloaren maximoan, baina hainbat arazo tekniko medio, otsaila arte ezin izan zen jaurti. Dena dela, zientzialariak kontent daude, Eguzkia jarduera handiko egoeran baitago oraindik. Horrela, eguzki-erupzio bortitzenak ere grabatu ahal izango dira. HESSI misioak bi urteko iraupena izango du eta 1.000 bat erupzio ikusiko dituela kalkulatu da.