Gure artoaren arbasoa

Gaur egun landareen material genetikoa manipulatzeko gai gara. Dena dela, historian zehar ere egin izan da manipulazio genetikoa landatutako landareen hautespenaren bitartez. Hain zuzen ere, gaur jaten dugun artoa horrelako hautespen bati esker sortu zen, Erdialdeko Amerikan.

Teosinte belarretik abiatuta, adarkatzen ez den artoa garatzea lortu zuten nekazariek. Orain, ikertzaile batzuk argitzen ari dira zer genek hartu duten parte prozesu horretan, nolakoa den artoaren adarkatze-prozesua eta landarearen beste hainbat ezaugarri.