Garbi ikus daiteke urpean?
2003/07/01 Elhuyar Zientzia Iturria: Elhuyar aldizkaria
Asiako hego-ekialdeko Moken tribuko umeek garbi-garbi ikusten dute urpean. Suediako zientzialari-talde bat bertara joan da hori nola egiten duten ikertzera.
![](images/A189011.jpg)
Giza begiak likido urtsu batez beteta daude, eta, horregatik, urak bezala errefraktatzen dute argia. Ondorioz, airetik jasotako argiari egiten dioten zuzenketak ez du uretatik jasotakoarentzat balio; hori dela eta, urpean objektuak fokatzeko, begi-niniak izugarri itxi beharko genituzke.
Hori da, hain zuzen, Moken tribuko umeek egiten dutena: bi milimetroko zirrikitu bilakatu arte ixten dituzte niniak, eta zehaztasunez ikusten dituzte itsas hondoko maskorrak, txirlak eta abar. Zientzialarien ustez, beharbada, gaitasun hori genetikoki transmititzen da tribuan belaunaldi batetik bestera.
![](https://elia.eus/static/elhuyar/img/elia_RGB.png)
Gai honi buruzko eduki gehiago
Elhuyarrek garatutako teknologia