Fusio-erreaktore estralurtarra, amatatu berria
2004/09/01 Elhuyar Zientzia Iturria: Elhuyar aldizkaria
Eguzkiaren antzeko izarren hondarrak aztertzen ari zirela, amatatu berria den izar bat aurkitu dute.
X izpiko Chandra teleskopioaz Eguzkiaren antzeko izarren hondarrak aztertzen ari zirela, amatatu berria den izar bat aurkitu dute. H1504+65 izena du, eta ezagutzen den nano zuri beroena da.
Izarrak 200 mila graduko tenperatura du azalean, eta beste izarrek ez bezala, ia ez du hidrogenorik ez heliorik. Horien ordez, karbonoa eta oxigenoa aurkitu dituzte, eta horiek izaten dira helioaren fusioaren hondarrak erreaktore nuklear batean. Nonbait, horrek esan nahi du izarra hil berria dela.
![](https://elia.eus/static/elhuyar/img/elia_RGB.png)
eu es fr en ca gl
Gai honi buruzko eduki gehiago
Elhuyarrek garatutako teknologia