Fotosintesia biziaren hastapenetan

Standford Unibertsitateko geologoek ondorioztatu dute bakterioek ez zutela fotosintesia gaur egun bezala egiten duela 3.000 milioi urte inguru. Hegoafrikar Errepublikako arroka berezi batzuk eta han dauden bakterio fosilduak aztertuta, badirudi, karbono dioxidotik konposatu organikoak sortzeko prozesuan, hidrogenoan oinarritzen zutela fotosintesia, eta ura askatzen zutela. Ikertzaileen ustez, hidrogenoan oinarritutako fotosintesia ezagutzea pauso garrantzitsua da biziaren sorrera ulertzeko.