Espazio-estazioaren eraikuntza aurrera doa

Nazioarteko Espazio Estazioa eraikitzeko lehen faseak aurrera doaz pixkanaka. Uztailaren erdialdean Proton kohete errusiarrak Zvezda modulua jaurti zuen Baikonur kosmodromotik eta dagoeneko Zorya eta Unity moduluekin bat egin du.Zvezda espazio-estazioko modulurik garrantzitsuena da eta estazioak funtzionatzeko oinarrizko baldintzak ezarriko ditu, besteak beste, airea, ura, aire girotua, elektrizitatea eta janaria. Modulu honetan, gainera, astronauten logelak eta ariketa-gelak kokatuko dira.

Zvezda (izarra errusieraz) Lurreko orbitara bi hilabete beranduago jaurti da, Proton jaurtigailuekin egon diren arazo teknikoak direla medio. Atlantis jaurtigailuaren azken misioaren ondoren espazio-estazioa tripulazioa edukitzeko prest geratu da eta, dena ongi badoa, azaroan William Sheperd-en agindupean lehen tripulazioa bertara abiatuko da.