Eguzki-sistemaren mugari antzeman diote

NASAren Stereo espazio-ontziak eguzki-sistemaren ertzeko partikulak hauteman ditu. Teleskopio optikoak erabili ordez, kargarik gabeko atomoei antzemateko sentsoreak erabili ditu, eta horri esker aurkitu du muga. Eguzkiak igortzen dituen ioiak energia eta karga galduz doaz Eguzkitik urrundu eta izarrarteko espazioan sartu ahala. Karga guztiz galtzen duten puntua --hau da, atomoak neutro bilakatzen diren puntua-- da Eguzkiak eragina izateari uzten dion puntua; alegia, eguzki-sistemaren muga.