DNA nanohariak egiteko
2005/10/01 Elhuyar Zientzia Iturria: Elhuyar aldizkaria
![](Images/a213-001.jpg)
DNA erabilita, silizioan oinarritutako mikroelektronikaren ordezkoa topatzea da nazioarteko partzuergo baten helburua. Helburu hori lortuko balitz, tamaina askoz txikiagoko gailu elektronikoak ekoitziko lirateke. Proiektu horretan, beste zazpi unibertsitaterekin batera, EHUko
Angel Rubio Secades Materialen Fisikako katedradunaren taldeak hartzen du parte.
Horretarako, DNAren eratorriak erabiliko dituzte: G4-DNA, M-DNA eta PC-DNA; izan ere, DNA berez isolatzailea da korronte elektrikoarekiko. Eratorri horiek erabilita, nanohariak ekoizteko modua aurkitu nahi dute, eta, gainera, nanohariek energia garraiatzeko erabiltzen duten mekanismoa zehatz-mehatz aztertuko dute.
![](https://elia.eus/static/elhuyar/img/elia_RGB.png)