Diatomeoak, ederrak bezain indartsuak
2003/06/01 Elhuyar Zientzia Iturria: Elhuyar aldizkaria
Diatomeoak alga mikroskopiko batzuk dira, eta, hain txikiak izan arren, sekulako presioa jasateko gai dira. Nature aldizkarian argitaratu denez, metro karratuko 100-700 tonako presioa jasateko gai dira. Nonbait, siliziozko estalkiaren konposizioak eta egiturak ematen diete gaitasun hori.
![](images/A188027.jpg)
Eredu matematiko baten bidez ikusi dute, estalkiak egitura galduz gero, diatomeoak askoz ere errazago hautsiko liratekeela.
Siliziozko estalkiari esker, diatomeoak sakonera handian bizi daitezke. Ez hori bakarrik: estalkiak harraparien hortzetatik ere babesten ditu. Batzuetan, haien digestio-hodia zeharkatu eta bizirik ateratzea lortzen dute.
Ikertzaileek diatomeoen hiru espezie aztertu dituzte.
![](https://elia.eus/static/elhuyar/img/elia_RGB.png)
Gai honi buruzko eduki gehiago
Elhuyarrek garatutako teknologia