Burmuineko molekula kokainazalea

Askotan, kosta egiten zaigu droga-mendekotasuna zerk sortzen duen ulertzea. Hala ere, ikertzaile batzuek fruta-euliaren nerbio-sisteman aurkitu duten proteina bati esker, badirudi kokaina-mendekotasuna hobeto ulertzeko bidean gaudela.

Jakina denez, kokainak burmuineko molekula bati eragiten dio, eta fruta-eulian aurkitutako proteina molekula horren ahaidea omen da. Beraz, proteina hori genetikoki manipulatuz gero, posible da kokainaren eragina eta sortzen duen mendekotasuna hobeto ulertzea.