Bizidunak glaziarpeetan

Gero eta ingurune zailagoetan topatzen dira bizidunak. Oraingoan glaziarren azpialdeei egokitu zaie. Izan ere, bakterioak topatu izan dira glaziarren azpian, baina hilak zeudela uste izan da. Uste okerra, baldintza horietan bizitzeko gai baitira! Glaziarraren azpiaren eta lurraren artean ur-geruza mehea sortzen da marruskadura edota geotermiaren ondorioz. Ur-geruza horretan edo horren inguruan bizi dira bakterioak.