Bidaia hesteetan
2003/12/01 Elhuyar Zientzia Iturria: Elhuyar aldizkaria
Ur gezatako intsektu batzuek milaka kilometro egiten dituzte hegazti migratzaileen hesteetan. Hegaztiak intsektuen arrautzak lokatzarekin batera irents ditzake, beste putzu batera hegan egin eta gorotzetan kanporatu.
Doñanako Biologia Estazioaren eta Herbehereetako Ekologia Institutuaren arteko elkarlanak frogatu du orain arte susmoa zena. Hegazti-talde batek alde egindakoan lagatako 400 gorotzetik gora bahetu dituzte, eta, hirutik bitan, ur-arkakusoen arrautzak eta briozooen estatoblastoak topatu dituzte, eta baita hauskorragoak diren ur-zimitzaren arrautzak ere.
eu es fr en ca gl
Gai honi buruzko eduki gehiago
Elhuyarrek garatutako teknologia
