Auto elektriko erosoak

Kaliforniako AeroVironment etxeak auto elektrikoak kargatzeko sistema azkarragoa sortu du. Orain arte auto elektrikoek zuten desabantaila handiena autoa kargatzeko behar izaten den denbora izan da, 8 ordu inguru batez beste. Sistema adimendun berri honi esker autoak ordu-erdian karga daitezke eta, beraz, aurrerakada handia da auto elektrikoen garapenean.

Sistema honek korronte elektrikoa bateriaren tenperaturaren arabera erregulatzen du, kargatze-prozesua ahalik eta eraginkorrena izan dadin. Bateriaren tenperatura kontrolatzeko txip bat eramango du autoak. Sistema hau Hawaii irletako Oahu hirian frogatuko da lehenik, kalean ibiliko diren 40 auto elektrikoetan.