Argazki-pelikulentzako eskanerra

APS (Advanced Photo System) formaturako lehen eskanerra hedatzen ari da Europan. Japoniako Fujifilm etxeak egina da eta AS-1 du aparatuak izena. Bere eginkizuna argazki-pelikula edo bobinako 25 argazkiak digitalizatzea da, horretarako nahikoa da pelikula eskanerrera sartzea.

Adituek diotenez, Fujifilm-en eskaner honek beste formatuek erabilitako eskaner lauek baino askoz bereizmen handiagoa du. Gero eta profesional gehiago dira APS sistema erabiltzen dutenak. Gainera badu beste abantaila bat: AS-1 eskanerrean digitalizatutako irudiak beste programa batzuen bidez (Photoshop edo Photo Deluxe izenekoen bidez, esaterako) manipula daitezke. 88.000 pta. inguru (3.500 libera) balio du.