Saguekin egindako esperimentu batean, REM fasean neurona-mota batek ahazteko prozesuan parte hartzen duela frogatu du Japoniako ikertzaile-talde batek.
Hain zuzen, loaldian, neuronen arteko sinapsiak berregin egiten dira; horren bidez, gogoratzea merezi ez duten oroimenak ezabatu egiten dira. Ikertzaileek orain ikusi dute hipotalamoko neurona batzuk REM fasean inhibituta, oroitzapenak galdu egiten direla, eta alderantziz; haiek aktibatuta, oroimena areagotu egiten da.
MCH neuronak dira horiek, alegia, melaninaren hormona kontzentratzailearen neuronak, eta beste ikerketa batzuetan ikusi dute eragina dutela elikadura-portaeran, depresioan, antsietatean eta loan. Ikertzaileek iradoki dutenez, oroimena modulatzeko itu egokia ere izan daitezke.
Galarraga Aiestaran, Ana
Elhuyar Zientzia
