2001, Biodibertsitatea Behatzeko Nazioarteko Urtea

Lurrean bizi diren espezieen kopurua etengabe murrizten ari dela eta, gainbehera galarazteko asmoz eta ikerketa bultzatzeko asmoz jarri dute martxan proposamen hau.

Biodibertsitateari loturiko esparru guztietako ikertzaileen artean informazio-trukea indartu nahi da urte honekin. Izan ere, 1,75 milioi espezie deskribatu diren arren, beste 10 ikertzeke daudela uste da. Ez dakigu nola dauden banatuta espezieen % 99, ez eta iraungitze-arriskuan dauden ere. Espezie bakoitzak ekosistemen berriztapenean duen eginkizuna ere zehaztu gabe dago. Proiektuaren sustatzaileek biodibertsitatea ikertzea bultzatu nahi dute. Abenduan ikusiko da zer ematen duen horrek.