Discoveryren azken hegaldia

Discovery transbordadorearen azken hegaldia ez zen beste guztiak bezalakoa izan. NASAren espazio-ontzia 27 urtez aritu da ISSra joan-etorrian. Hegaldi gehien egin dituen transbordadorea da, 39 misio guztira. Haietako azkena 2011ko martxoan izan zen, eta hura bukatutakoan itzali zituen motorrak betiko. Hala ere, joan den apirilaren 17an berriz egin zuen hegan, ez Lurraren orbitara, Floridatik Washingtonera baizik, NASAren 747 hegazkinaren bizkarrean. Helmuga: Smithsonian National Air and Space Museum. Misioa: “iraganeko lorpenen oroigarri izatea, eta hurrengo belaunaldiak hezi eta inspiratzea”.