Basabizitzaren garaipen isila

Herri mamuko bisitaria (Ghost town visitor)

Arrantza sinkronizatua (Synchronised Fishing)

Qingrong Yangen etxetik gertu dago Yundang lakua, eta maiz bisitatzen du hango frenesiari argazkiak ateratzeko. Koartzatxoak alde batetik bestera ibiltzen dira, harrapariengandik ihes egiteko jauzi egiten duten arrainen peskizan. Kasu honetan, koartzatxoak ia mokoan zuela kendu zion arraina harrapari horietako batek.

Aingira uretatik kanpo bezala (Like an Eel out of Water)

Gymnothorax pictus aingira moreak primeran egokituak daude marearteko eremura, eta gai dira uretatik kanpo ere ehizatzeko. Gutxitan lortu da portaera hori argazkitan jasotzea.

Zabortegi toxikoa (Toxic Tip)

Hiru urtetik gora daramatza Lakshitha Karunarathnak gizakien eta elefanteen arteko gatazka dokumentatzen, Sri Lankan. Zabortegi irekietan topatu eta jaten dituzten elikagaien bilgarri eta bestelako plastiko-hondakinak hilgarriak dira elefanteentzat. Honelako zabortegi bakar batean 20 elefante hil dira zortzi urtetan.

Entrega berezia (Special Delivery)

Bidyut Kalitak liztor buztingile bat joan-etorrian ikusi zuen bere etxean. Koadro baten markoan buztinezko ganbera bat egiten ari zen. Atea zabalik utzi zuen, liztorrak sartzen jarraitu ahal izateko. Azkenean, harrapakin batekin etortzen ikusi zuen. Liztor buztingileek paralizatutako harrapakinez betetzen dituzte ganberak, han jaioko diren larbak elikatzeko.

Gertutik jarraika (Avian Tailgating)

Karraka europar bat eta mozolo bat bata besteari jarraika zebiltzan basopean, etengabe. Hogeitazazpi egunez ezkutatuta egonda lortu zuen Bence Máték argazki hau ateratzea. Ez dago argi portaera horren arrazoia. Txitak zaindu behar izan zituztenean gelditu ziren.

Auto-argitan harrapatua (Caught in the Headlights)

Simone Baumeisterrek oinezkoen zubi batean topatu zuen armiarma hau bere amaraunean. Lentearekin jokatu zuen zubi-azpitik pasatzen ziren autoen argiekin efektu kaleidoskopiko hau lortzeko.