Haize-energia egonkorra

Energia eolikoak pisua hartzen ari da energia berriztagarrien artean baina oraindik erronka teknologiko ugari ditu. Batetik, beharrezkoa den tentsioarekin batera sortzen diren hondar-tentsioak, hau da, harmonikoak murriztea, eta bestetik energia egonkorra eta perturbazioekiko erresistentea izatea. Mondragon Unibertsitateak sektoreko Ingeteam eta Siemens Gamesa enpresekin lan egiten du arazo horiei soluzioa emateko.