Biologikoki, izotz-aroko erlikiatzat hartzen da basoilarra. Izan ere, orduz geroztik, Europako goi-mendietan bizi izan da, bakarturik. Baina, gaur egun, Pirinioetako basoilarra bere habitataren desagertzearen lekuko ari da izaten.

Batez besteko tenperatura 2 °C igotzearen eta elur faltaren erruz, glaziarrak ez dira urtero behar bezala leheneratzen, eta izotz-masak bolumena eta azalera galtzen ari dira, abiada bizian. Egungo urtze-erritmoak aurrera egiten badu, 2050. urterako Pirinioetako glaziar guztiak desager daitezke.