Norteko ferrokarrilla

Jenioi buruzko saio berezia dugu. Jenio hitzaren erabilera egoki edo desegokiari buruzkoa. Adibidez, Sabrina Gonzalez Pasterski eta Matteo Paz gazteak eta azkarrak dira. Fisikari bikainak dira, eta haiek jenio izendatzeko beharra sentitzen dugu. Pasterskiri, adibidez, Einstein berria deitzen diote, nahiz eta horrek zentzurik ez izan. Bien lanaz hitz egingo dugu, bai eta historian jeniotzat hartu izan diren beste zientzialari batzuei buruz ere.

Australiako zientziari buruzko saio berezia. Ekologiatik hasita, Australia gehiena basamortua delako, wifiren sorreraraino, hango ikertzaile-talde batek sortu baitzuen wifia garatzeko zientziaren azken gakoa.  

EHUko TXONI MATXAIN kimikariak puntu kuantikoei buruz hitz egin digu. Gaur egun erabiltzen den nanoteknologia orokorra da, esparru askotan. Atomo artifizial deitzen zaie, eta bidea ematen dute argiarekin lan egiteko, atomo gutxi batzuen multzo nanoskopikoetatik abiatuta. Gaur egun, oso-oso erabiliak goi mailako zientzian; 2023ko Kimikako Nobel sariaren gaia izan zen, adibidez.

Edurne Erkizia Jauregi kimikariarekin izan gara, Tecnaliakoa. Hormigoia "berde" izateko aukerari buruz hitz egin dugu. Industriako sektoreen artean, hormigoiarena da CO2 gehien isurtzen duena, beraz horixe: "berde" izan daiteke. Garrantzitsua da. Mundu mailan, emisioen zenbakiak harrigarriak dira, herrialde industrializatu eta handi baten zenbakien parekoak. Baina itxaropena dago. Ikertzaile askok egiten dute lan hori itxaropen horri eusteko.

Mikel Etxaniz Añorga jubilatzear dagoen fisika-irakasle bat da. Abenduan, Real Sociedad Española de Física erakundeak sari bat eman zion, bigarren hezkuntzan erabili duen fisikaren didaktikarengatik. Horren aitzakian, fisika eta hezkuntzari buruzko solasaldi luzea eta sakona izan dugu.