Ekosfera

Gaur, onddoei buruzko saioa dugu. Leire Aparicio EHUko mikrobiologoarekin izan gara. Batetik, onddoak metalak eruzteko erabil litezkeela, eta, bestetik, Aparicioren lanaz hitz egin dugu, alegia, Candida Albicans onddoak minbizi-zeluletan duen eragina ikertzen du. Onddoak guretzat lanean eta onddoek guregan .duten eragina.

Indiako sai gibelzuri bengalarra desagertzen ari da. Hori, eta beste bi espezie. Gainera, oso abiadura handian desagertzen da. Eta desagertze azkar hori diklofenako izeneko botika batekin du zerikusia. Elhuyar aldizkariko Egoitz Etxebeste dibulgatzaileak kontatu digu istorio hori.

Alkizan izan gara, erreka baten lurrazpiko uren atzetik. Bidaia horretan, EHUko Inma Mugertza hidrogeologoak lagundu digu, bai eta Fagus Alkiza interpretazio-zentroko Edurne Ayuso eta Iñaki Irazabalbeitia Alkizako alkatea ere. Hain zuzen ere, Fagus Alkizatik antolatutako ekitaldi bat izango da errekaren jarraipena, otsailaren 21ean. Gainera, haien zentro berriaren inauguarzioaz hitz egin dugu.

Clair Barnes World Weather Attribution taldeko ikertzailea da, Imperial College-n, Londresen. Gurekin izan da otsailak 11ko saio berezian. Talde hori erreferentea da. Muturreko gertaera meteorologikoen atribuzioa ikertzen dute, alegia, gertaera bakoitzean klima-aldaketak zenbateraino eragina duen. Los Angeleseko suteak edo Congoko uholde erraldoiak, adibidez. O11ren harira, Erresuma Batuko zientzia-sisteman emakumearen egoera zein den eta bere eskarmentuaz ere hitz egin du.

Luze hitz egin dugu Javi Oskoz Don Boscoko automobilgintzako irakaslearekin. Gai asko. Hasteko, ustez, 2035rako debekatu behar zuten konbustio-motorreko auto berriak saltzea, baina debeku hori lasaitu da. Gainera, V16 balizaren harrerari buruz ere hitz egin dugu, eta auto berriak erostean trantsizioa egiteko lagundu nahi duen Plan Auto 2030 planari buruz ere bai. Bukatzeko gogoratu dugu auto klasikoen aurtengo Don Bosco Ibilaldia otsailaren 7an izango dela.