Zulo beltz batetik gertu

(Argazkia: ESA)

Astronomoek ez dute inoiz ikusi zulo beltzik, baina badakite galaxia espiralen zentroetan daudela, eta inguruko izarrek isuritako guztia 'jaten' dutela. Horren adibide da NGC1097 galaxia espiralaren zentroan dagoena. Orain, ESO behatokiko astronomoek inoiz baino bereizmen handiagoarekin egin diote argazki bat galaxia horren zentroari. Haien ustez, han, zurrunbilo erraldoiaren erdian, zulo beltzaren jarduerak eragiten dituen gas-lasterrak ikusten dira.