Orion konstelazioaren nebulosak, argi-izpiak ez ezik, X izpiak ere igortzen ditu. Astronomoek ikusi dute erradiazio hori nebulosaren gasaren tenperaturaren ondorioa dela, milioika gradutan baitago. Haien ustez, tenperatura hori hartzen du nebulosako izar beroen erradiazioak talka egiten duelako gasarekin; talkak gasa berotzen du, eta gasak ere, orduan, erradiazioa igortzen du, besteak beste, X izpiak. Astronomoek, gainera, uste dute Orionen nebulosan gertatzen dena galaxiaren beste gas-hodei askotan ere ohikoa dela.
Argazkia: Science
Guillermo Roa Zubia
Kimikako doktorea eta Elhuyar Zientziako erredaktorea
