Honako argazki honek irabazi du Science aldizkariak eta AEBetako Zientzia Fundazio Nazionalak antolatutako lehiaketa. Urtero, zientzia eta artea uztartzen dituzten argazki eta irudi berritzaileenak saritzen dituzte. Izan ere, argazkiez gain, infografiak, irudiak, irudi interaktiboak eta ilustrazioak ere lehiatzen dira bakoitza bere sailean.
Irudikoa hamster baten belarriko akain-ninfa bat da. Elikatzen ari zela, zerion autofluoreszentzia harrapatu zuen argazkilariak, eta, horretarako, laser bidezko eskaner-mikroskopio fokukidea erabili zuen.
Argazkilaria: Marna E. Ericson, Minesotako Unibertsitatea, AEB.
Rementeria Argote, Nagore
Elhuyar Zientziaren Komunikazioa
Elhuyar Zientzia eta Teknologia aldizkarian erredaktore lanak egiteaz gain, irratian ere aritu izan da: aurkezle gisa egin zituen hainbat urte Euskadi Irratiko Norteko Ferrokarrillean Guillermo Roarekin batera. Gaur egun Teknopolis telebista-saioko erredaktorea da, ETBrentzat Elhuyar Fundazioak ekoizten duen saioan.
