Urak etengabe gora
1995/12/01 Elhuyar Zientzia Iturria: Elhuyar aldizkaria
Itsasoaren ur-maila etengabe gora doa. Topex-Poseidon sateliteak igorritako datuen arabera, azken 10 urteotan 3,7 milimetro igo da eta ez dirudi joera horren aurka ezer egiterik dagoenik oraingoz.
![](images/A102022.jpg)
Igoera horren arrazoiak asko izan litezke. Aldian aldiko fenomenoez landa, berotegi efektuaren ondoriotzat jo izan den klima-aldaketa aipatzen da eragile nagusitzat, baina ez dago oraindik erabateko segurtasunik. Datu gehiago behar da eta horretarako oso baliogarria gertatu da Topex-Poseidon satelitea. Bere lanaldia ordea, aurki amaituko da.
1992an jaurti zuten satelite hori eta 1999an amaituko da bere behaketa-lana. Urte horretatik aurrera izan ere, sateliteak erabiltzen dituen eguzki-zelulak erabat hondaturik egongo dira erradiazioaren eraginez. Oraingoz ez dago satelite hori ordezkatzeko proiekturik eta ondorioz, beharrezkoak diren datu horiek eskuratzeak luze jo dezakeela iragar genezake. Denborak esango du.
![](https://elia.eus/static/elhuyar/img/elia_RGB.png)
Gai honi buruzko eduki gehiago
Elhuyarrek garatutako teknologia