Txinan arrakasta handia dute landare transgenikoek
2002/03/01 Elhuyar Zientzia Iturria: Elhuyar aldizkaria
"Garapen-bidean egoteko, diru asko bideratzen du Txinak landare transgenikoen teknologiara" dio Nature aldizkariko albiste batek. Baina ez hori bakarrik; 1999an, adibidez, guztira 112 milioi dolarreko inbertsioa egin zen lurralde horretan. Arlo horretan gehien gastatzen duen herria estatubatuarra da: 3.000 milioi dolar 1999an. Europan, aldiz, janari transgenikoen aldeko jarrera ez da ohikoa.
![](images/A174022.jpg)
Txinan, gobernuak ordaintzen ditu esparru berri horretan egin beharreko ikerketak. Estatu Batuetan ez bezala, ingurumena zaintzeko ahaleginek dute ikerketa horretan lehentasuna; dagoeneko, zabaldutako 65 lantegiek betetzen dituzte ingurumena zaintzeko arauak, Estatu Batuetan baino 15 gehiagok.
"Kontsumitzailearen segurtasuna ez da hainbeste zaintzen, ordea" esan du Scott Rozelle-k, nekazaritza-gaietan ekonomialari estatubatuarrak. Dena dela, Txinako ikerketan, gaixotasunekiko edo drogekiko erresistenteak diren landare transgenikoak hobesten dira; mendebaldeko herrietan, ordea, mozkin ekonomikorik handienak eman ditzaketenak dira nagusi.
![](https://elia.eus/static/elhuyar/img/elia_RGB.png)
Gai honi buruzko eduki gehiago
Elhuyarrek garatutako teknologia