Tximino biluzia
1996/09/01 Elhuyar Zientzia Iturria: Elhuyar aldizkaria
Bost alemaniarretatik batek gizakia tximinoengandik datorrela ez du sinesten. Katolikoen eta berrogeita bost urte baino zaharragoen artean proportzioak gora egiten du.
![](images/A111002.jpg)
Joan den martxoan Iritzi Ikerketarako Allensbach institutuak 1.112 alemaniar elkarrizketatu zituen. Gizakiek eta tximinoek arbaso berak dituztela ea sinesten zuten galdetu zitzaienean hauxe izan zen erantzuna: % 21ek ezetz esan zuen, % 62k baietz eta % 17k ez zekiela.
Hori sinesten ez zutenen proportzioa % 27 zen katolikoen artean eta % 17 protestanteen artean. Adinak ere jarrerari eragiten dio. 45 urte baino zaharragoen artean % 29k ez zuen hori sinesten.
Dena dela egoera hobera doa. 1970ean galdera bera egin zenean, % 40k ez zuen onartu gizakiok eta tximinoek arbaso bera dugunik.
![](https://elia.eus/static/elhuyar/img/elia_RGB.png)
Gai honi buruzko eduki gehiago
Elhuyarrek garatutako teknologia