Supernobaren sorrera
1997/05/01 Elhuyar Zientzia Iturria: Elhuyar aldizkaria
![](images/A119004.jpg)
Orain dela hamar urte, 1987ko otsailaren 23an, hego hemisferioko gauean zeruan berebiziko eztanda egin zuen izar batek. Hango distirak astroa hil egin zela adierazten zuen. Lau mendetan ikusitako supernobarik distiratsuena zen. SN1987A deitu zioten astronomoentzat mauka zen izar hari. Izan ere, gertu zegoelako lehen aldiz ikusi ahal izango zuten supernoba inguratzen zuen argi-eraztuna eboluzionatzen eta hasierako eztandako geometriarekin konparatu ahal izango zuten.
Astronomoek, espazioko Hubble teleskopioa erabili dute supernoba aztertzeko. Teleskopioak bidalitako irudiek erakusten dutenez, supernoba argi-urtearen seireneko luzeran zabaltzen erakusten dute. Halteraren formako egitura du eta hedatzen ari diren bi “hondakin-tanta” dauzka, elkarrengandik orduko hamar milioi kilometro inguruko abiaduraz urruntzen ari direlarik. Barneko eraztunaren egiturak, jatorrizko izarrak agian ondoan beste bat zuela adierazi nahiko luke.
Supernoba hurrengo 2002. urtean aztertuko da. Ordurako eztandaren hondakinek erdiko eraztunera heldu eta inguruko zona argitu beharko lukete.
![](https://elia.eus/static/elhuyar/img/elia_RGB.png)
Gai honi buruzko eduki gehiago
Elhuyarrek garatutako teknologia