Komunetik arrain-haztegietara

Gizakiaren eta behien gernua elikagaia izan daiteke planktonarentzat, eta, beraz, arrain-haztegietan erabil liteke. Arrainek planktona jaten dute, eta horrek esan nahi du haztegietan etengabe ekoitzi behar dutela planktona. Normalean gai kimikoak erabiltzen dira horretarako, baina leku guztietan ez daude eskuragarri. Indiako toki batzuetan, adibidez, ezinezkoa dute substantzia horiek lortzea. Irtenbide bat proposatu dute Kalyani Unibertsitateko biologo batzuek: zooplanktoneko Moina micrura espeziea hazi dute unibertsitateko komunetan jasotako gernuaren bitartez. Gai kimikoen ordezko merkea da, gainera, 4.500 litro uri litro-erdi bat gernu eta simaur pixka bat gehitzea nahikoa baita arrainen janaria ugaritzeko.