Izarrak, uste baino zaharragoak
2004/07/01 Elhuyar Zientzia Iturria: Elhuyar aldizkaria
Izarrak orain arte kalkulatu den baino zaharragoak direla esan du Italiako astrofisikari-talde batek.
Izarretan uste zen baino mantsoago gertatzen da fusio nuklearra, eta, ondorioz, izarrak orain arte kalkulatu den baino zaharragoak direla esan du Italiako astrofisikari-talde batek.
Italiako Lur Azpiko Astrofisika Nuklearreko Laborategikoek lurpeko partikula-azeleragailu bat erabili dute karbono-nitrogeno-oxigeno (CNO) zikloaren abiadura neurtzeko. CNO zikloa fusio nuklearrean parte hartzen duen prozesu nagusia da; eta, prozesu horren abiadura ezagututa, izar zaharrenak uste zen baino 700 milioi urte zaharragoak direla kalkulatu dute. Hain zuzen, hamalau mila milioi urte omen dituzte izarrik zaharrenek.
![](https://elia.eus/static/elhuyar/img/elia_RGB.png)
eu es fr en ca gl
Gai honi buruzko eduki gehiago
Elhuyarrek garatutako teknologia