IZAR ontzia Miramonen lurreratu da

IZAR ontzia ikus-entzunezko ekoizpena egiteko, DigistarII izar-proiektagailua besterik ez da erabili. Proiektagailuaren ezaugarriek hala behartuta programa zuri-beltzean izan arren, bidaia birtualak egiteko aukera guztiak aprobetxatu dira. Bidaia horietan, eguzki-sistematik kanpoko eta gure galaxiatik kanpoko eremuetan barrena ibiliko da bisitaria. Konstelazio bitxienen artean nabigatuko du eta gorputzik txikienen barnean sartzeko aukera izango du. IZAR ontziari esker, gainera, argiaren abiaduran bidaiatzea zer den ikasi ahalko da, edo denboran atzera egin eta gure arbasoek behinola ikusitako zerua nolakoa zen jakin.

40 minutuz espazioan ibiltzeko aukera eskaintzen du gaurtik aurrera Miramonen lurreratu den IZAR ontziak.