Ile urdinak ez du gaitzik iragartzen
1999/11/21 Kortabarria Olabarria, Beñardo - Elhuyar Zientzia
Behin baino gehiagotan ilea urdintzea gaixotasunekin lotu izan da, baina Clevelandgo Jerome Litt dermatologoak egindako ikerketaren arabera, urdintze-prozesua zahartze-prozesuaren edo arazo txikiren baten isla besterik ez da. Ilearen kolore-aldaketa pigmentazioaren gutxitzeak eragiten du.
Hala ere, urdintzea gaztaroan gertatzen denean —20 urteren buelta horretan—, baliteke arrazoia osasun-arazo txikiren bat izatea, hipertiroidismoa edo anemia gehienetan. Kasu biak odol-analisi arruntetan antzeman daitezke eta bitaminekin konpondu ohi dira. Botika eta bitamina jakin batzuk —E bitaminan oinarritutakoak— ere ilea urdintzea eragin dezakete.
7kn argitaratua
![](https://elia.eus/static/elhuyar/img/elia_RGB.png)
Gai honi buruzko eduki gehiago
Elhuyarrek garatutako teknologia