IDA asteroidearen bitxikeriak

Galileo zundak bidalitako informazioa uste baino emankorragoa suertatzen ari da. New Yorkeko Cornell Unibertsitateko ikerlariek, esaterako, Galileok emandako datuetan oinarritu dira Ida asteroideari buruz orain arte genekiena osatzeko. Ikerketa horri esker, esaterako, Idaren inguruan 1,6 kilometroko diametrodun satelitea dabilela jakin ahal izan dugu.

New Yorkeko ikerlarien iritziz, Dactyl izeneko satelitea Koronis asteroide-gerrikoaren jatorri berekoa omen da. Ida asteroideak zergatik erakarri eta bere inguruan jira-bira jarri ote duen argitzeko, berriz, ikerlariek Koronis asteroide-gerrikoan gertatu ei zen leherketa bortitza darabilte hipotesi gisa.