Hamalaugarren kromosoma
2003/01/02 Elhuyar Zientzia
Giza genomaren hamalaugarren kromosoma, ustez, oso-osorik deskodetu dute. Kromosoma horretan aurkitutako 1.050 geneen artean, Alzheimerren gaixotasunarekin zerikusia dutenak ere topatu dituzte. Horrez gain, gaixotasunak eragin ditzaketen beste hirurogei bat identifikatu dituzte.
Baina, ez zuten, bada, aspaldian giza genoma osorik deskodetu? Hala iragarri zuten.
Bai, deskodetu zuten, baina ez guztiz. Sekuentzia erraldoi horretan zona txiki asko falta ziren, eta orain ari dira lan hori osatzen. Dagoeneko lau kromosoma deskodetu dituzte guztiz; horietatik hiru, gainera, txikienak dira. Giza genoman hogeita lau kromosoma ezberdin daudenez, lan asko dago egiteko.
eu es fr en ca gl
Gai honi buruzko eduki gehiago
Elhuyarrek garatutako teknologia
