GLOBCARBON, hamar urteko jarraipena

(Argazkia: ESA)

Duela bost urte, klima-aldaketaren eragina ikusteko egitasmo bat jarri zuen martxan ESAk. Egitasmoak GLOBCARBON izena du, eta asmoa da satelitez Lurreko landaretzari jarraipena egitea hamar urtez. Hainbat alderdiri erreparatzen diote: suteak, fotosintesiak xurgatzen duen argia, landaretzaren hazkunde-zikloa... Halaber, karbonoaren zikloa aztertu nahi dute, jakiteko zer eragin duen industria-jardueran sortzen den karbono dioxidoak. Orain, egitasmoaren erdian daude, eta ESAko zientzialariak ziur daude oso baliagarria izango dela klimari buruzko ezagutzan sakontzeko.