Garuna, kolore-kalibratzailea

Begietan, erretinan hain zuzen, koloreak bereizteko zelula espezializatu batzuk daude: konoak. Pertsona batetik bestera, alde handia dago bai kono-kopuruan bai horien kokapenean. Hala eta guztiz ere, Rochestergo Unibertsitateko ikertzaileek frogatu dutenez, denok berdin hautematen ditugu koloreak. Ikertzaileen ustez, horrek esan nahi du garunak nolabait kalibratu egiten duela pertzepzioa.