Fosildutako lumetan kolore bila

Ehun mila urteko hegazti-luma batzuetan eremu koloredunak eta koloregabeak bereizi ahal izan dituzte Yale Unibertsitatean, Conneticuten. Mikroskopio elektronikoz begiratzean lumetan ikusi ohi diren egitura berezi batzuei erreparatu zieten, eta ikusi dute esku artean dituzten luma fosilek marra ilunak eta argiak dituztela.

Aztertu dituzten egiturak pilatuta agertzen diren saltxitxa-itxurako egiturak dira. Orain arte uste zuten lumez elikatu ziren bakterioen arrastoak zirela, baina Yale Unibertsitateko taldea ohartu da egiturok ez direla luma guztian homogeneoki agertzen, geruzatan edo marratan baizik. Hortaz, pentsatu dute bakterioak ez, baizik lumari kolorea eman zioten melanosomen arrastoak direla, zeluletan melanina gordetzen duten organuluak.

Oraingo hegaztien lumak ere aztertu dituzte, ondorioztatu duten hori egiaztatzeko; eta ikusi dute baietz, oraingo lumetan ere itxura bereko egiturak ageri direla koloredun eremuetan.

Irudia: Morguefile